इटहरी । सुनसरीकाे दुहबीमा बिहीबार दिउसाे ट्रिपरले पछाडीबाट ठक्कर दिदा माेटरसाइकलमा सवार तरहरा निवासी कांग्रेस नेता मछिन्द्र खवासकि श्रिमती कृष्णकुमारी खवासको मृत्यु भएकाे छ ।

काम बिशेषले बिराटनगरबाट तरहरा तर्फ अाउदै गर्दा मछिन्द्र सवार को २८ प ८५४४ नम्बरको मोटरसाइकलाई युपी ५७ एटि ३८३७ भारतीय नम्बर प्लेटको ट्रिपरले दुहबिमा ठक्कर दिएकाे थियाे ।

ठक्करबाट पछाडि बसेकि खवासकि श्रीमती कृष्णकुमारीकाे टाउकाेमा गम्भिर चाेट लागेकाे र उनकाे घटनास्थलमै मृत्यु भएकाे प्रदेश एक ट्राफिक प्रहरी कार्यालय इटहरीले जनाएकाे छ ।

उक्त दुर्घटना पश्चात  ट्रिपर र चालक  भारत कोशीनगर बस्ने ४५ वर्षीय मन्नी यादवलाइ नेमुवा प्रहरीले नियन्त्रणमा लिएकाे छ । दुर्घटनामा परेका कांग्रेस नेता मछिन्द्र खवासकाे भने अवस्था सामान्य रहेकाे प्रहरीले जनाएकाे छ । उक्त दुर्घटना पछि तरहराकाे खार्शाला टाेल शाेकमा डुबेकाे छ ।