गुगलले आफ्नो पहिलो स्मार्टवाच सार्वजानिक गरेको छ । यसको आफ्नो छुट्टै अपरेटिङ सिस्टम रहेको छ भने स्वास्थ्य र फिटनेसको जाँच गर्न फिटबिट हेल्थ ट्रयाकिङ फिचर पनि उपलब्ध गराइएको छ ।

गुगलले २०१९ मा फिटबिटलाई २.१ अर्ब डलरमा खरिद गरेको थियो । तर यो स्मार्टवाच एन्ड्रोइड डिभाइससँग मात्र कनेक्ट गर्न मिल्छ र फोर–जी सेवा सँग अनुकूल छ । नजिकै मोबाइल फोन नहुँदा पनि यसले आफैँ राम्ररी काम गर्न सक्छ । तर यसमा फोन र स्मार्टवाच एउटै नेटवर्कसँग जोडिएको हुनुपर्नेछ ।

कम्पनीले अहिलेसम्म यसको मूल्य भने सार्वजानिक गरेको छैन । एप्पल र सामसुङसँग कडा प्रतिस्पर्धामा रहेको गुगलले तुलनात्मक रुपमा ढिलो स्मार्टवाच ल्याएको हो ।

तरपनि गुगलको प्रणाली र फिटबिटको अतिरिक्त ‘एक्सपर्टिज’ ले यो उत्पादनलाई अरु भन्दा फरक बनाएको गुगल सेवाका वरिष्ठ अधिकारी रिक अस्टरलोह बताउँछन् ।

यसअघि पिक्सेलको स्मार्टवाच एप्पलका उत्पादनसँग पनि जोडर चलाउन मिल्ने खबर आइरहेको थियो जसलाई कम्पनीले त्यस्तो नहुने पक्का गरेको छ ।

गुगलले फिटबिटसँग सहकार्य गर्नु अगाडि युरोपेली आयोगको स्वीकृति प्राप्त गर्नु परेको थियो जसका लागि यसले विभिन्न प्रतिबद्धता कायम राख्नुपर्ने भएको हो । यसमा उनीहरुले फिटबिटले प्राप्त गर्ने स्वास्थ्य सम्बन्धी प्रयोगकर्ताका डाटालाई गुगलमा वा कुनैपनि रुपमा विज्ञापनका लागि प्रयोग नगर्ने वचन दिएका छन् ।

यसका साथै गुगलले दुई नयाँ पिक्सेल फोनबारे पनि घोषणा गरेको छ । पिक्सेल सिक्स–ए र प्रिमियम पिक्सेल सेभेन २०२३ को जुलाइमा विक्रीका लागि उपलब्ध हुने भनिएको छ । यसमा विशेषगरी एयरबड्स अपडेट गरिएको छ जसको ब्याट्री ११ घण्टासम्म टिक्न सक्ने बताइएको छ ।

गुगलको पिक्सेल फोनले विगतमा पनि राम्रो प्रतिक्रिया पाउने गरेको छ तर अझैपनि स्मार्टफोन बजारमा विशेष स्थान बनाउन सकेको छैन । -बीबीसीबाट