इटहरीः इटहरी उपमहानगरपालिका वडा नं. २ मा नेकपा एमालेको प्यानलले वडाका सबै पदमा जित निकालेको छ ।

पार्टीका तर्फबाट वडाध्यक्षको उम्मेदवारी दिएका माधव कोइराला तीन हजार दुुई सय २७ मतका साथ वडाध्यक्ष चयन भएका छन् । दुई हजार आठ सय तीन मत ल्याएका प्रतिद्वन्द्वी नेपाली कांग्रेसका उम्मेदवार राजु बस्नेतलाई हराएर उनी वडाध्यक्ष बनेका हुन् ।

यसैगरी, महिला सदस्यमा पनि सोही पार्टीकी भीमाकुमारी तुम्बाहाम्फे तीन हजार दुई सय ३४ मतका साथ विजयी भइन् । दलित महिला सदस्यमा विजयी भएकी सोही पार्टीकी चम्पामाया विश्वकर्माले तीन हजार दुई सय पाँच मत पाइन् । दुई हजार नौ सय ११ मत पाएका एमालेकै कृष्णकुमार राई र तीन हजार ६२ मत पाएका दुर्गाबहादुर खत्री खुल्ला सदस्य निर्वाचित भए ।