इटहरी: सुनसरीको धरान उपमहानगरपालिकामा स्थानीय तह निर्वाचनको मतगणना जारी छ ।

हालसम्म २८ हजार पाँच सय ८७ मतको गणना सम्पन्न भएको निर्वाचन अधिकृतको कार्यालय धरानले जनाएको छ । हालसम्म स्वतन्त्र उम्मेदवार हर्क साम्पाङ आठ हजार एक सय ४० मतका साथ अग्रस्थानमा रहेका छन् । नेपाली कांग्रेसका उम्मेदवार किशोर राई आठ हजार एक सय २६ मतका साथ हर्कलाई पछ्याइरहेका छन् ।

यसैगरी, नेकपा एमालेकी उम्मेदवार तथा निवर्तमान मेयर मञ्जु भण्डारी ६ हजार सात सय १३ मतका साथ तेस्रो स्थानमा रहेकी छन् । उपमेयरतर्फ बाम लोकतान्त्रिक गठबन्धनका तर्फबाट उम्मेदवार बनेका नेकपा माओवादी केन्द्रका आइन्द्र विक्रम बेघाले नौ हजार एक सय ३६ मत प्राप्त गरी पहिलो स्थानमा रहेका छन् । उनका निकटतम प्रतिद्वन्द्वी नेकपा एमालेका पदम इस्बो लिम्बुले आठ हजार पाँच सय ५१ मत प्राप्त गरेका छन् । हाल धरानको १२, १९, २० नम्बर वडाको मतगणना जारी रहेको छ ।