इटहरी: इटहरी उपमहानगरपालिका ३ मा नेकपा एमालेका उमेश सुवेदीको प्यानलले जित निकालेको छ ।

सुवेदी नौ सय ६८ मतका साथ वडाध्यक्ष निर्वाचित भएका छन् । उनका निकटतम प्रतिद्वन्द्वी स्वतन्त्र उम्मेदवार तुला लिम्बूले आठ सय ६१ मतको सम्मानजनक हार व्यहोरे । निवर्तमान वडाध्यक्ष बालकृष्ण विष्ट ७३६ भोट ल्याएर तेस्रो बने ।

यस्तै खुल्ला वडा सदस्यमा एमालेका टिकाराम तामाङ ११४९ मत र एमालेकै दीपेन्द्र लिम्बू ११८१ मतका साथ निर्वाचित भए । महिला सदस्यमा पनि एमालेकै पवित्रा कोइराला १२०० र दलित महिला सदस्यमा मिना रसाइली ११८३ मत ल्याएर विजयी भएका छन् ।