खोटाङः खोटाङको खोटेहाङ गाउँपालिमा गठबन्धनले जित निकालेको छ । अध्यक्ष र उपाध्यक्ष दुवै पदमा गठबन्धनका उम्मेदवार विजयी भएका हुन् ।

गाउँपालिका अध्यक्षमा माओवादीका उम्मेदवार उदिमबहादुर राई र उपाध्यक्षमा कांग्रेसका उम्मेदवार रुपेश राई निर्वाचित भएको निर्वाचन कार्यालय खोटेहाङले जनाएको छ ।

उदिमले ३ हजार ७२८ मत ल्याएर विजयी हुँदा उनकी निकटतम प्रतिद्वन्द्वी एमाले उम्मेवदवार तथा निवर्तमान उपाध्यक्ष कविता राई ३ हजार ६९० मतसहित पराजित भइन् ।

उपाध्यक्षमा ३ हजार ७३७ प्राप्त गर्दै कांग्रेसका रुपेश विजयी हुँदा उनका निकटतम प्रतिद्वन्द्वी एमालेका राजन बञ्जाराले ३ हजार ३१० मत ल्याए ।