इटहरीः सुनसरीको धरान उपमहानगरपालिका वडा नं. ३ मा नेपाली कांग्रेस नेतृत्वको बाम लोकतान्त्रिक गठबन्धनले सबै पदमा जित निकालेको छ ।

वडाध्यक्षमा विद्यासुन्दर शाक्यलाई उठाएको गठबन्धनले महिला सदस्यमा उषा सुब्बा, दलित महिला सदस्यमा शोभा विक, खुला सदस्य एकल चिन्हमा मनिष खड्गी र खुला सदस्य युगल चिन्हमा मिङ्मा भोटलाई उम्मेदवार बनाएकोमा सबै उम्मेदवार विजयी भएका छन् ।

शाक्यले १ हजार ८० मत प्राप्त गर्दै विजयी बनेका हुन् । उनका प्रत्यासी नेकपा एमालेका सुयोग पाख्रिनले ६२५ मत प्राप्त गरेका थिए ।

यस्तै, महिला सदस्यमा उषा सुब्बाले १ हजार ४२, दलित महिला सदस्यमा शोभा विकले १ हजार ८३, खुल्ला सदस्य एकल चिह्नमा मनिष खड्गीले ११ सय ६ र दोहोरो चिह्नका मिङ्मा भोटले ९९९ मत प्राप्त गर्दै विजयी बनेका छन् ।

३ नम्बर वडामा कुल तीन हजार एक सय २१ मतदाता रहेकोमा शुक्रबार सम्पन्न निर्वाचनमा एक हजार नौ सय ८७ मत खसेको थियो । हाल वडा नम्बर १, ४ र ५ को मतगणना जारी रहेको निर्वाचन अधिकृत पुष्करराज नेपालले जानकारी दिए ।