धरानः धरानमा सूर्य ध्वजवहाक उम्मेद्वारहरुलाई जिताउन मजदुर संगठनहरुले अभियान चलाएका छन् । मजदुर, गरिव, भूमीहिनहरुको साझा पार्टी नेकपा एमाले भएको भन्दैं मेयरकी उम्मेद्वार मञ्जु भण्डारी, उपमेयरका उम्मेद्वार पदम लिम्बु र २० वटै वडाका अध्यक्ष तथा सदस्यहरुलाई जिताउन अभियान चलाएका हुन् ।

अभियानमा नेपाल यातायात स्वतन्त्र मजदुर संगठनका केन्द्रीय अध्यक्ष भीम ज्वाला राई, क्युपेकका केन्द्रीय उपमहासचिव मुक्तिनाथ गिरी, सफाई तथा कर्मचारी मजदुर युनियनकी केन्द्रीय उपाध्यक्ष यमकला मग्राती, अटो मेकानिक मजदुर संगठनका केन्द्रीय सदस्य सुनिल तोलाङ्गे, नेपाल यातायात स्वातन्त्र मजदुर संगठनका केन्द्रीय सदस्य लक्ष्मी बाँनिया, प्रदेश कमिटी उपाध्यक्ष रविन अधिकारीलगायत केन्द्रीय दर्जन नेताहरु स्थानीय तह निर्वाचनमा एमालेका उम्मेद्वारलाई जिताउन धरान क्षेत्रमा खटिएका छन् ।

नेकपा एमालेले महिला आदिवासी जनजाती तथा उच्च शिक्षा अध्ययन गरेका व्यक्तिहरुलाई उम्मेद्वार बनाएकाले मजदुरको समग्र हितका लागि आशलाग्दा उम्मेद्वारहरुलाई जिताउन अभियान नै चलाएको नेपाल यातायात स्वातन्त्र मजदुर संगठनका केन्द्रीय अध्यक्ष भीमज्वाला राईले जानकारी दिए ।

झण्डै १० हजार श्रमिक मत भएको धरानमा सबै मत एमालेमा आउने गरि अभियान चलाएको उनले बताए ।