इटहरीः आसन्न स्थानीय तह निर्वाचनमा नेपाली काँग्रेसका तर्फबाट विराटनगर महानगरपालिकाको मेयर पदमा उम्मेदवारी दिएका नागेश कोइरालाले विराटनगर विमानस्थलको स्तरोन्नति गरी अन्तर्राष्ट्रिय विमानस्थल बनाउन आफूले पहल गर्ने प्रतिबद्धता जनाएका छन् ।

विराटनगर ४ का सुकुम्बासी र अब्यवस्थित बसोवास, सडक, ढल लगायतका समस्याको समेत समाधानका लागि आफुले पहल गर्ने र महानगरले गरिरहेका तर सम्पन्न हुन बाँकी योजनाहरुलाई चाडो सम्पन्न गर्न आफुले पहल गर्ने उल्लेख गरे । इक्राहीको पोखरी चोक देखी पश्चिम रिङरोड सम्मको सडकको केहीभाग ग्राभेल रहेकोमा त्यसलाई तत्कालै पिचका लागि महानगरमा के भइरहेको भन्ने बारे बुझ्ने बताए ।

विराटनगर विमानस्थलबाट विस्थापित हुनेहरुलाई उचित मुआब्जा दिन र त्यसको काम छिटो गर्न अफुले प्रदेश सरकार र केन्द्रिय सरकारसंग कुरा गर्ने मेयरका उम्मेदवार कोइरालाले बताए । उनले नगरपालिकाले छुट्याउनु पर्ने बजेट एकै पटक छुटेयाउन नसकेपनि लगातार गरेर प्रत्येक आवमा छुट्याउदै जाने र संघिय सरकारबाट अनुदान ल्याएर भएपनि मुआब्जाको महानगरको दायित्व पुरा गर्ने बताए ।