चुनावी सभालाई सम्बोधन गर्न एमाले अध्यक्ष ओली इटहरी आउने
- बैशाख २२, २०७९ मा प्रकाशित
इटहरीः आसन्न स्थानीय तह निर्वाचनको प्रचारप्रसारका क्रममा नेकपा एमालेको चुनावी सभालाई सम्बोधन गर्न पार्टीका संघीय अध्यक्ष केपी शर्मा ओली इटहरी आउने भएका छन् ।
ओली वैखाख २४ गते इटहरी आउने कार्यक्रम रहेको नेकपा एमाले केन्द्रीय सदस्य तथा इटहरी उपमहानगरपालिकाकी उपमेयर लक्ष्मी गौतमले जानकारी दिइन् । गौतमका अनुसार अध्यक्ष ओलीले २४ गते बिहान १०ः३० बजे इटहरीको विराटनगरलाइनस्थित साथी पेट्रोल पम्प छेउको खाली जग्गामा आयोजना हुने पार्टीको विशाल जनसभालाई सम्बोधन गर्नेछन् । आफ्नो पार्टीलाई नगरका मतदाताले अत्याधिक बहुमतले विजयी गराउने वाचा गरेको बताउँदै गौतमले अध्यक्ष ओलीको उपस्थितिले चुनावी माहौललाई थप उर्जा प्रदान गर्ने विश्वास व्यक्त गरिन् ।
इटहरीको सभालाई सम्बोधन गरी ओली धरान प्रस्थान गर्ने तथा त्यसपछि क्रमश विराट चौक र दमकमा हुने सभामा सम्बोधनका लागि सहभागी हुने कार्यतालिका रहेको नेकपा एमाले इटहरीले जनाएको छ । सभाबारे जानकारी दिन आयोजित पत्रकार सम्मेलनमा पार्टीका तर्फबाट मेयर पदका उम्मेदवार रहेका यामकुमार सुब्बा, प्रेस चौतारी सुनसरीकी अध्यक्ष शुभद्रा प्याकुरेल लगायतको उपस्थिति रहेको थियो ।
सम्बन्धित खवर
-
ताजा मंसिर १०, २०८१इनरुवामा विवाह पञ्चमीमा सीताराम रथयात्रा निकालिने
-
ताजा मंसिर १०, २०८१लैङ्गिक हिंसाविरुद्धको १६ दिने अभियान आजदेखि
-
ताजा मंसिर १०, २०८१चीन भ्रमणबारे छलफल गर्न ओलीले पूर्वप्रधानमन्त्रीहरूलाई बोलाए सिंहदरबार, बाबुराम नजाने
-
ताजा मंसिर १०, २०८१उपनिर्वाचन प्रचारमा तोकिएको भन्दा बढी सवारी साधन प्रयोग गरे कारवाही
-
ताजा मंसिर १०, २०८१नेपालमा अब सुनचाँदीकाे मुल्य घटदै जाने
Comments