इटहरीः जिल्ला प्रहरी कार्यालय सुनसरीबाट खटिएको प्रहरी टोलीले बैंकिङ कसुर मुद्दाका फरार अभियुक्त १ जनालाई पक्राउ गरेको छ ।

पक्राउ पर्नेमा हरीनगरा गाउँपालिका–१ का ३६ वर्षीय शम्सेर आलम रहेको १ नम्बर प्रदेश प्रहरी कार्यालय विराटनगरले जनाएको छ । आलमलाई उच्च अदालत मोरङको २०७५ फाल्गुन २७ गते भएको बैंकिङ कसुर मुद्दा अन्तर्गत फैसला अनुसार ३ महिना कैद र ७१ लाख ९० हजार रुपैंया जरीवाना तोकेपछि उनी फरार रहेका थिए ।

आलमलाई पक्राउ गरी हिजो अदालतमा उपस्थित गराउँदा जरिवाना बापतको रकम व्यहोर्न नसकी अदालतको आदेशअनुसार थुनामा राख्न झुम्का कारागार कार्यालय पठाइएको प्रहरीले जनाएको छ ।