इटहरी ।यूवालाई संञ्चार संग जोडेर आम यूवाका समस्या निवारण गर्न मद्दत पुर्याउने उद्देश्यले एकदिने यूवामुखी अन्तर्कृया कार्यक्रम शनिवार सुनसरीको दुहवीमा सम्पन्न भएको छ । आम यूवाका बिषयहरु सार्वजनिक रुपमा उठान गरेर यूवाहरुमाझ सचेतना अभिबृद्धि गराउन हेल्पीङ युथ सुनसरीले कार्यक्रमको आयोजना गरेको हो ।

समाज परिवर्तनको मुख्य सम्वाहक संञ्चार जगत नै भएकोले स्थानीय युवाहरुमाझ संञ्चारको महत्व यसको पहुँच लाई बुझन पनि यूवाले आवश्यक रहेकोले कार्यक्रम आयोजना गरिएको संस्थाका अध्यक्ष बिकल पौडेलले बताए ।संञ्चारले ल्याउनसक्ने परिवर्तन बाट युवाहरु कसरी लाभान्वित हुँदै समाजलाई कसरी योगदान पुर्यान सकिन्छ भन्ने बिषयमा अन्तर्कृृया रहेको कार्यक्रमका आयोजक मित्र क्षेत्रीले बताए ।कार्यक्रममा बोल्दै दुहवी नगरपालिकाकी उपमेयर मेनुका पोखरेलले समाज परिवर्तनमा योगदान जस्तो गहन बिषयमा चूनौतिहरु धेरैनै हुने भएपनि सवैको बलबाट परिवर्तन सम्भव भएकोले यूवाहरु निरन्तर लागिपर्नु पर्ने बताईन । संञ्चार नै बिकाशको मुल आधार भएको र यूवाहरुले यसमा चासो राख्नुपर्ने पनि उपमेयर पोखरेलले बताईन ।

कार्यक्रममा स्थानिय पत्रकार सुमन पुरीले खोज पत्रकारीताको माध्यमबाट समाजमा लुकेका यूवाका समस्याहरु उठान गर्न सकिने बारेको धारणा यूवामाझ राखेका थिए ।
उक्त अन्तरक्रिया कार्यक्रममा युवाले पत्रकारिता क्षेत्रबाट के कस्तो अपेक्षा राखेका छन् भन्ने कुराको सम्बन्धमा छलफल गरिएको थियो । समाजमा भएका विकृति, विसङ्गति, तथा समस्याका बारेमा उजागर गर्ने उदेश्यले कार्यक्रमको आयोजना गरिएको कार्यक्रमका संयोजक मनोज निरौलाले बताए ।कार्यक्रममा सुनसरी र मोरङका बिभिन्न सामाजिक ब्यक्तित्वहरु, समाजसेवी, पत्रकार महासंघ कोशी प्रदेश महासचिव बिवेक गौतम, निवर्तमान अध्यक्ष बिक्रम लुईटल लगायत पत्रकारहरु र स्थानीय यूवाहरुको उपस्थिति रहेको थियो ।