काठमाडौं । एभरेष्ट एयरको हेलिकोप्टर धौलागिरीमा दुर्घटना भएको छ । आज (आइतबार) बिहान सम्पर्कबिहीन भएको एभरेष्ट एयरको हेलिकोप्टर धौलागिरी बेसक्याम्प नजिकै दुर्घटनामा परेको हो ।

धौलागिरी बेसक्याम्पबाट इटालियन बेसक्याम्पमा सामान लिएर जाने क्रममा एभरेष्ट एयरको हेलिकोप्टर आज बिहान ११ बजे पल्टिएको त्रिभुवन अन्तराष्ट्रिय विमानस्थलका प्रवक्ता टेकनाथ सिटौंलाले जानकारी दिएका छन् । उनका अनुसार पाइलट सकुशल छन् । पाइलट सामान्य घाइते भएको बताइएको छ ।

त्यहाँको अवस्था बुझ्न अर्को हेलिकोप्टर गएको छ ।शनिबार दिउँसो पनि ह्याम्स अस्पतालको हेलिप्याडमा हेलिकोप्टर दुर्घटना भएको थियो । उडान भर्ने क्रममा हेलिकोप्टरको पुच्छरमा क्षति पुगेको हो । हेलिकोप्टर बिरामी लिन चितवनको भरतपुर जान लागेको थियो ।