इटहरी । रंगहरूको पर्व मानिने होली सुनसरीको इटहरीमा पनि हर्षोउल्लासकासाथ मनाइएको छ । इटहरीमा रहेका बिभिन्न सामाजिक संघ संस्थाहरूले यो वर्षको होली पर्व हर्षोउल्लासका साथ मनाएका हुन ।

मंगलबार बिहान उद्योग वाणिज्य संघ इटहरीले एक कार्यक्रम बिच होली उत्सव सम्पन्न गरेको छ भने तरहरास्थित जेशिजले पनि सांगेतिक कार्यक्रमको आयोजना गर्दै होली उत्सव मनाएको छ ।

त्यस्तै इटहरीको बिभिन्न क्लब तथा सामाजिक संस्थाहरूले पनि यो वर्षको होलीलाइ भब्य र सब्य तरिकाले बिदाइ गरेका छन । मुलुकमा शान्ति स्थापना संगै राजनीतिक तरलता अन्त्यको कामना सहित इटहरीको संघ संस्थाहरूले बेग्ला बेग्लै स्थानमा होली पर्व उल्लासका साथ मनाएका हुन ।

भाइ भाइ , दिदि बहिनि र साथी साथीबिच एक आपसमा रंग दल्दै भाइचाराको सम्बन्ध अझ बलीयो बनाउने अपेक्षा सहित होली पर्व मनाइएको हो ।