इटहरी । उद्योग वाणिज्य संघ इटहरीमा शनिबार शान्तिपुर्ण निृवाचन सम्पन्न भएको छ । बिहान साडे १० बजेबाट शुरू भएको मतदान प्रकृिया साझ साडे ४ मा सकिएको हो । निर्वाचनमा ४ हजार ८१० मतदातामध्ये कुल २ हजार ७३६ मत खसेको निर्वाचन समितिले जनाएको छ ।

 शान्तको बातावरणमा मतदान कार्यक्रम सम्पन्न भएको अध्यक्ष पदका उम्मेद्वार जिवन पराजुलीले बताए । मतदान पश्चात मटपेटिकाहरू जम्मा गर्ने काम भइरहेको र आइतबार बिहान छलफल गरेर मतगणना शुरू गरिने अध्यक्षका उम्मेद्वार पराजुलीले बताए ।

उवासंघ इटहरीमा अध्यक्ष पदकालागि ४ जनाले उम्मेद्वारी दिएका छन ।जसमा हाेटल व्यवसायी संघ इटहरीका अध्यक्ष जिवन पराजुली , व्यवसायी रञ्जु शिग्देल  (चौलागाईं)  गायत्री कटवाल (भण्डारी) र मणिन्द्रकुमार कटवाल रहेका छन ।