इटहरी । अघिल्लो निर्वाचनबाट बिजयी बनेका इटहरीका जनप्रतिनिधिहरूले जनताको भावना अनुसार काम गर्न नसकेको कारण नगरभित्र सोचे जस्तो बिकाशका कामहरू हुन नसकेको आसन्न निर्वाचनमा कांग्रेसबाट मेयर पदका उम्मेद्वार हेमकर्ण पौडेलले बताए ।

अघिल्लो नेतृत्वलाइ काम गर्ने अवसर मिलेपनि गर्न नसकेको बताउदै एक पटक गठबन्धनलाइ साथ दिन उनले अनुरोध गरे । इटहरी ५ मा नेपाली कांग्रेसको घरदैलो अभियानलाइ सम्बोधन गर्दै मेयरका उम्मेद्वार पौडेलले यस्तो बताएका हुन ।

बिगत ३२ वर्ष देखि इटहरीमा नेकपा एमालेले नेतृत्व गरेपनि सोचे जस्तो र नगरवासिले अनुभव गर्नेगरी कुनै ठोस काम गर्न नसकेकोले इटहरी हारेको मेयरका उम्मेद्वार पौडेलको भनाइ छ । लोकतन्त्र बचाउन र मुलुकलाइ समृद्धि बनाउन स्थापित गठबन्धनलाइ एक पटक अवसर दिन उम्मेद्वार पौडेलले आग्रह गरे ।