इटहरी । सुनसरीको बर्जु गाउँपालिका–५ स्थित मतदान केन्द्रमा विष्फोट भएको छ । प्रतिनिधिसभा निर्वाचन क्षेत्र नम्बर ३ मा पर्ने नेपाल राष्ट्रिय माध्यमिक विद्यालय रहेको मतदान केन्द्रको गेटनजिकै विष्फोट भएको हो ।

बिष्फोटमा परि एक जना बालिका घाइते भएकी छन् । विष्फोटपछि मतदाताबीच भागदौड मच्चिएको थियो । जिल्ला प्रहरी कार्यालय सुनसरीका प्रहरी उपरीक्षक प्रभु ढकालका अनुसार संकास्पद बस्तु पड्कदा एक बालिका सामान्य घाइते भएकी छन् ।

उनका अनुसार मतदान केन्द्र नजिकै पटका पड्किएको थियो । पट्का पड्किएपनि सामान्य रुपमा मतदान जारी रहेको उनले बताए ।बालिकाको स्थानीय स्वास्थ्य संस्थामा उपचार भइरहेको छ। सोही मतदान केन्द्रको गेटनजिकै अर्को पनि बम रहेको आशंकामा नेपाली सेनाको टोलीले सर्ट गरिरहेको छ ।