इटहरीः बैशाख ३० गते हुने स्थानीय निकायको निर्वाचनको ४८ घण्टा पहिलेदेखि मौन अवधि सुर हुने र मौन अवधिभरी चुनाव प्रसार प्रसार, कोण सभा जस्ता कार्यक्रम गर्न नपाईने निर्वाचन आयोगले जनाएको छ ।

चुनानी अभियानका लागि घरदैलो कार्यक्रमका सहभागी हुन साथै मतदातालाई प्रभावित पार्ने खालका कुनै पनि काम मौन अवधिभर गर्न नपाईने इटहरी उपमहानगरका निर्वाचन अधिकृत नारायण रिमालले बताए ।

मंगलबार नगरको आचार संहिता अनुगमन समितिको बैंठकमा निमन्त्रण गरिएका दलका प्रतिनिधिहरुसँगको अन्तक्रियामा बोल्दै अधिकृत रिमालले मौन अवधि सुरु भएपछि उम्मेद्वारले अनुमति लिएरै पनि कुनै पनि सवारी साधन समेत चुनावी प्रचारको लागि प्रयोग गर्न नपाउने बताए ।

मतदानको दिन बैशाख ३० गते सार्वजनिक सवारी समेत ठप्प हुने भएकाले टाढाबाट मतदान गर्न आउनेले अघिल्लो दिनै मतदान हुने भुगोलमा आइपुग्नु पर्ने निर्वाचन अधिकृतको कार्यलयको भनाई छ ।

घरदेखि मतदान केन्द्र सम्म अशत्त अपाँगलाई अनुमति लिएर ल्याउन लान सकिने भएता पनि अन्य प्रयोजनका लागि सवारी साधन पुर्णत प्रतिवन्धित हुने निर्वाचन अधिकृतको कार्यलय इटहरीले जनाएको छ ।