रामधुनीः विपन्न सुकुम्बासी परिवारका लागि सुनसरीको रामधुनी नगरपालिका वडा नम्बर ८ स्थित बाँधडाँडामा ‘प्याब्सन बस्ति’ निर्माण गरिएको छ ।

निजी तथा आवासीय विद्यालय अर्गनाइजेसन (प्याब्सन) केन्द्रीय समितिको सहयोगमा करिब १ करोड ५० लाख लागतमा बस्ति निर्माण गरिएको प्याब्सन सुनसरीका सह–सचिव गोपाल निरौलाले जानकारी दिए ।

नगरपालिकाले उपलब्ध गराएको करिब १ विघाहा क्षेत्रफलमा फैलिएको सार्वजनिक जग्गामा २५ ओटा घर निर्माण भएका छन् । एउटा किचन र २ ओटा बेडरुमसहितका ३ कोठे घर निर्माण गरिएका छन् । घरको माथि जस्तापाता हालिएको छ । जस्तापातामूनि जिप्सनको सिलिङ् हाल्ने काम भइरहेको छ । घरहरुमा रंग–रोगन गरिएको छ । बगैँचा निर्माण गरिएको छ । कलधार निर्माण गरिएको छ । ब्यबस्थित सौचालय बनाइएको छ ।

ती घरहरु भूमिहीन विपन्न सुकुम्बासी परिवारलाई हस्तान्तरण गर्न लागिएको निरौला बताउँछन् ।बस्तिमा बिषेश गरि उराब समुदायलाई प्राथममिकतासाथ राख्ने र पर्यटन प्रबर्धनका लागि त्यहि समुदायको होमस्टे संचालन गर्ने योजनामा प्याब्सन रहेको उनको भनाई छ ।

बस्तिसम्म पुग्ने बाटो निमार्ण, खानेपानी, विजुली लगायतको व्यवस्था रामधुनी वडा नम्बर ८ गरेको थियो । स्थानीय सरकार र वडा कार्यालयसमेतको सहयोगमा बस्ति निर्माण सम्भव भएको प्याब्सनको भनाई छ । प्याब्सनले उक्त बस्ति यहि फागुन ३० गते एक कार्यक्रमका बीच हस्तान्तरण गर्ने योजना बनाएको छ ।