इटहरी । सुनसरीकाे बराहक्षेत्र नगरपालिका १० प्रकासपुर स्थित एक सहकारीले आफ्नाे १२ औं स्थापना दिवसको को अवसर पारेर नगर क्षेत्रमा सरसफाई तथा रक्तदान कार्यक्रम सम्पन्न गरेकाे छ ।

   प्रकासपुरस्थित पिपल बोटे बचत तथा ऋण सहकारी संस्था लिमिटेडले बिहीबार स्थापना दिवशकाे अवसर पारेर आफ्नाे क्षेत्रमा सरसफाइ तथा रक्तदान कार्यक्रम सम्पन्न गरेकाे हाे । बिहानैदेखि हातमा झाडु र डस्टविन बाेकेर वडा क्षेत्रमा निस्किएका सहकारीका पदाधिकारी तथा कर्मचारीहरूले मुख्य चाैकहरूकाे सरसफाइ गरेका थिए ।

त्यस्तै सहकारीले नै आयाेजना गरेकाे रक्तदानबाट ४३ प्रिन्ट रगत संकलन भएकाे थियाे ।रक्तदान कार्यक्रममा नेपाल रेडक्रस सोसाईटी रक्तसंचार केन्द्र धरानका इन्चार्ज सुभाषचन्द्र सिंहको नेतृत्वको टोलीले प्राविधिक सहयोग पुर्याएको थियो ।

   पिपल बोटे बचत तथा ऋण सहकारी संस्था लिमिटेडका अध्यक्ष बद्रीकुमार वुढाथोकीको अध्यक्षता तथा बराहक्षेत्र नगरपालिकाका प्रमुख निलम खनालको प्रमुख आतिथ्यमा भएको रक्तदान कार्यक्रमा ४३ जना महिला पुरुषले रक्तदान गरेका थिए ।

  कार्यक्रममा  गाउँवेशी सहकारी संस्थाका अध्यक्ष रविन घिमीरे , रामधुनी बचत तथा ऋण सहकारी संस्थाका अध्यक्ष गणेश पौडेल प्रकासपुर प्रहरी चौकीका इञ्चार्ज सञ्जीव अधिकारी लगायतका अतिथीहरुको सहभागिता रहेको थियो ।