इटहरीः झापाको अर्जुनधारा नगरपालिका–६ स्थित भित्रि सडकखण्डमा पिकअपको ठक्करबाट एक जनाको मृत्यु भएको छ भने एक जना घाइते भएका छन ।

हिजो बिहान ५ः३० बजे प्रदेश १–०१–००१ च ९१०७ नम्बरको पिकअप गाडीले ठक्कर दिँदा पैदल यात्री अर्जुनधारा–६ का ५३ वर्षीय कृष्ण निरौलाको घटनास्थलमै मृत्यु भएको हो १ नम्बर प्रदेश ट्राफिक प्रहरी कार्यालय इटहरीले जनाएको छ । कार्यालयका प्रवक्ता प्रहरी नायबउपरीक्षक (डीएसपी) सुमन तिम्सिनाका अनुसार घाइते भएका बिर्तामोड नगरपालिका–५ का ४५ वर्षीय अर्जुन उप्रेतीको बीएन्डसी अस्पताल बिर्तामोडमा उपचार भइरहेको छ ।

ठक्कर दिने पिकअप र सह–चालकलाई इलाका प्रहरी कार्यालय अनारमनीले नियन्त्रणमा लिई थप अनुसन्धान गरिरहेको प्रहरीले जनाएको छ ।