इटहरीः नेकपा एकिकृत समाजवादीका नेता झलनाथ खनालले आफुलाई प्रशिक्षण कार्यक्रममा बोलाएर प्रमुख अतिथी नबनाउन आयोजकलाई आग्रह गरेका छन् ।

नेपाल बुद्धीजिवी परिषद् समाजवादी, एकिकृत प्रगतिशील प्राध्यापक संगठन र प्रगतिशील राष्ट्रिय शिक्षक संगठन प्रदेश एकको सयुक्त आयोजनामा मंगलबार इटहरीमा भएको प्रशिक्षण कार्यक्रममा बोल्दै नेता खनालले आफुलाई प्रमुख वक्ताको रुपमा सुन्न चाहानले पहिल्यै समय छुटाइदिन र प्रशिक्षण कार्यक्रममा बोलाएको बेला कहिल्यै प्रमुख अतिथी नबनाउन आग्रह गरे ।

कार्यक्रममा बोलाइएका बिभिन्न अतिथीहरुलाई उद्घोषकले बारम्बार स्वागत सम्मान गरेको तर्फ इंकित गर्दै पुर्व प्रद्यानमन्त्री समेत रहेका नेता खनालले औपचारिक कार्यक्रमहरुमा पुरातन शैलीलाई परिवर्तन गर्नुपर्ने धारणा राखेका थिए । अतिथीहरुलाई सम्मान गरेरै कार्यक्रममा बोलाइने भएकाले फेरी फेरी स्वागत सम्मानका नाममा कार्यक्रमको महत्वपुर्ण समय खेर फालिनु नहुने नेता खनालको भनाई थियो ।

“ हामी सबै सम्मान पुर्वक बसेकै छौँ नि हैन र ?” खनालको प्रश्न थियो । नेपालको समृद्धी र समावजवाद प्राप्तीको लागि सम्पूर्ण कलमजीबी बर्ग एक हौं भन्ने मूलनाराका साथ नेकपा एस निकट बुद्धीजीबीहरुले आयोजना गरेको कार्यक्रममा उपस्थित प्रद्यापक, शिक्षक र बुद्धिजिवीहरुलाई नेता खनालले नेपालको माटो सुहाउँदो समाजवादका विषयमा प्रशिक्षीत गरेका थिए ।

पार्टी निकट बुद्धिजिवीलाई नेता खनालले एमाले र केपी ओलीको विरोधमा भन्दा पार्टीको राजनितिक विचार र सिद्धान्तको छुरा चलाएर जनतामा जाने वातावरण बनाउन आग्रह गरे । पार्टीपङत्तीमा नाता गोतालाई प्राथमिकता दिने काम बन्द गर्न र पार्टीमा योगदानका आधारमा अबसरहरु सिर्जना गर्न सम्बद्धका नेताहरुलाई खनालले निर्देशन समेत दिए । स्थानीय चुनाबमा गठबन्धन दलभित्र कुनै समस्या नरहेको बताउँदै पुर्व प्रद्यानमन्त्री खनालले महानगर, उपमहानगरको मेयर र उपमेयर केन्द्रले टुगोँ लगाउने र बाँकी वडाहरुमा जिल्ला कमिटिले उम्मेद्धवारको टुगो लगानउने बताए ।

नेपाल बुद्धीजीबी परिषद् समाजवादीका केन्द्रीय उपाध्यक्ष उद्धब पोखरेलको सभापतित्वमा भएको कार्यक्रममा प्राध्यापक डाक्टर कैलाश राईले स्वागत गरेका थिए भने बुद्धीजीबी डा. दिवाकर रेग्मीले कार्यक्रम संचालन गरेका थिए । कार्यक्रममा नेकपा एसका प्रदेश अध्यक्ष तथा त्रियूगा नगरपालिका उदयपुरका मेयर बलदेव चौधरी,प्रगतिशील शिक्षक संगठनका उपाध्यक्ष हिक्मत बस्नेत,प्रदेश सरकारका मुख्यमन्त्री तथा नेकपा एसका केन्द्रिय सचिब राजेन्द्र राई, १ नम्बर प्रदेशका संचार तथा यातायात मन्त्री उपेन्द्र घिमिरे लगायतका बक्ताहरुले शुभकमना व्यक्त गरेका थिए ।