इटहरीः नेकपा एमाले इटहरीले प्रचार अभियानलाई तिव्रता दिएको छ ।

नेकपा एमाले इटहरीले मेयरपदका उमेदवार याम सुब्बा,उपमेयर पदकी उमेदवार संगीता चौधरी र वडाका उमेदवारसहित घरदैलो अभियानमा उत्रिएको हो । आज वडा नम्वर ५को जनतावस्तिमा आमसभा भएको छ । सभालाई एमाले केन्द्रीय सदस्य लक्ष्मी गौतम,प्रदेश सांसद सर्वध्वज साँवा,प्रदेश सदस्य राम प्रसाद चौलागाई, जिल्ला अध्यक्ष रेवतीरमण भण्डारीले सम्वोधन गर्दै इटहरीमा नेकपा एमालेको विजयलाई कसैले रोक्न नसक्ने बताए ।

सभामा मेयर पदका उमेदवार याम सुब्बा,उपमेयर पदकी उमेदवार संगीता चौधरी र वडाध्यक्षका उमेदवार भिष्म घिमिरेले आफ्ना प्रतिवद्धता व्यक्त गरे । आजै वडा नम्वर ६ र ७मा घर दैलो कार्यक्रम गरिएको छ । भोलि ९,१०,११ र १२ वडामा घरदैलो कार्यक्रम गरिने जनाइएको छ । गाँउ गाँउका जनताले पून एमालेको नेतृत्व इटहरीको आवश्यकता भएको जनाएको चुनाव परिचालन मुलब्यवस्थापन समितिका सह संयोजक हिमाल सुवेदीले जानकारी दिए ।