इटहरी । गण्डकी प्रदेशमा आगामी २८ गतेदेखि कार्तिक ३ गतेसम्म सन्चालन हुने नवौँ राष्ट्रिय खेलकुद प्रतियोगिताको लागि प्रदेश एकले महिला बास्केटबलको छनौट खेल बिहीबार सुनसरीको धरानमा आयोजना गरेको छ । प्रतियोगितमा सुनसरीलाई स्वर्ण पदक प्राप्त भएको छ ।

महिला बास्केटबलतर्फ झापा, मोरङ र सुनसरी गरी तीन जिल्लाका खेलाडीहरु सहभागी थिए । प्रतियोगितामा झापाले रजत र मोरङले कास्य पदक जितेको छ ।

छनौट प्रतियोगिता अन्तर्गत महिला तर्फको खेल बिहीबार सम्पन्न भएको छ भने शुक्रबार पुरुषतर्फको छनौट खेल हुनेछ । शनिवार सम्म सबै छनौट खेल सम्पन्न गरिसक्ने प्रदेश खेलकुद विकास बोर्डले जनाएको छ ।

खेल उद्घाटन कार्यक्रममा बोल्दै प्रदेश खेलकुद विकास बोर्डका सदस्य सचिव हंशराज वाग्लेले धरान बास्केटवलको लागि स्वर्णभूमि रहेको भन्दै राम्रो खेल प्रदर्शन गरी राष्ट्रिय पदक जित्ने विश्वास व्यक्त गरे ।