इटहरी । मोरङको सुन्दरहरैचा ३ गछिया स्थित दुलारी बचत तथा ऋण सहकारी संस्थाले आफ्नो २५ औ वार्षिकोत्सवको अवसरमा बिभिन्न १५ वटा कार्यक्रमहरू गरी मनाउने भएको छ । शुक्रबार सहकारीको सभाहलमा  पत्रकार सम्मेलनको आयोजना गर्दै सहकारी सञ्चालक समितीले १५ वटा कार्यक्रमहरू गरी रजत जयन्ती मनाउने जानकारी दिएको हो ।

कार्यक्रमहरू १५ वटा भएपनि रजत जयन्ती संस्थाले वर्षभरी मनाउने पनि पत्रकार सम्मेलनमा जानकारी गराएको छ । १७ सय शेयर सदस्य रहेको दुलारी बचत तथा ऋण सहकारी संस्थाले कार्तीक २५ गते देखि २०८० असार १५ सम्म बिभिन्न चरणका कार्यक्रमहरू गरी रजत जयन्ती मनाउने भएको हो ।

स्थापना कालदेखि यहा सम्म आइपुग्दा सहकारीले थुप्रै बाधा ब्यवधानहरू पार गर्दै सफलता हाशिल गरेको खुशियालीमा पनि रजतजयन्तीलाइ भब्यताकासाथ सम्पन्न गराउन सबै टिम कटिबद्ध भएर लागि परेको संस्थाका अध्यक्ष हेमन्त कार्कीले बताए ।

सहकारीले आगाी मंसिर २४ गते बाल बचतकर्ता सम्मान हुदै २०८० असार १५ मा सार्वजनिक स्थानहरूमा बृक्षारोपण गरी रजतजयन्ती कार्यक्रम सम्पन्न गर्नेछ । उक्त कार्यक्रम अवधीभर संस्थामा करीब ४ हजार दर्शक तथा अवलोकनकर्ता रहने जनाइएको छ । रजत जयन्ती कार्यक्रम अवधिभर करीब ५ लाख खर्च हुने प्रारम्भीक अनुमान गरिएको छ ।२०५४ सालमा स्थापना भएको यस सहकारीले हाल २० करोड रूपैयाको वासलात लिएर अघि बढेको पनि जनाइएको छ ।