इटहरीः हप्तामा दुई दिन सार्वजनिक बिदा दिने सरकारी निर्णय आजदेखि कार्यान्वयनमा आएको छ ।

मन्त्रिपरिषदको बैठकले गत वैशाख १३ गते गरेको निर्णयअनुसार आजबाट देशभर शनिबार र आइतबार सार्वजनिक बिदा दिन सुरु गरिएको हो ।
सरकारले परीक्षणका रूपमा अहिलेलाई दुई दिन बिदा दिन लागेको हो । दुई दिन सार्वजनिक बिदा दिइने भएपछि अन्य दिन कार्यालय खुल्ने समय भने बढाइएको छ । आजदेखि कार्यालयहरु बिहान ९ः३० देखि साँझ ५ः३० सम्म खुल्ला रहनेछन् । शैक्षिक सँस्थाहरुमा दिइने अन्य बिदा कटौति गरेर सार्वजनिक बिदा भने दुई दिन नै दिइने व्यवस्था मिलाइएको छ ।

देशमा आर्थिक संकट चुलिएको विभिन्न सूचकाङ्कहरुले देखाएपछि त्यसलाई न्यूनीकरण गर्न पेट्रोलियम पदार्थको खपत कम गर्ने उपायस्वरुप दुई दिने सार्वजनिक बिदा दिने निर्णय सरकारले गरेको हो ।