इटहरी । सुनसरीकाे रामधुनीमा आगामी फागुन ९ गते देखि दोश्रो अल्टिट्युड रनिङ्ग कप फुटवल प्रतियोगिता हुने भएको छ । प्रतियोगिता अन्तरगत सबै तयारी सकिएको सोमबार आयोजित पत्रकार सम्मेलनमा बताइएको छ । इटहरीको एक होटलमा आयोजित पत्रकार भेटघाट कार्यक्रममा बोल्दै अल्टिट्युड क्लब इटहरीका अध्यक्ष पीताम्बर तिम्सिनाले खेलको सबै तयारी सकिएको बताए ।

सुनसरीको रामधुनी नगरपालिका ७ पञ्चायन खेल मैदानमा हुने प्रतियोगितामा नेपालका १० चर्चित क्लबहरूले भाग लिने छन । खेलको समुदघाटन समारोहलाइ कोशी प्रदेशका मुख्यमन्त्री हिकमत कुमार कार्कीले उदघाटन र सम्बोधन गर्ने छन । प्प्ररतियोगीतामा आयोजक अल्टिट्युड क्लब सहित ब्एँ पकली, कोशी प्रदेश प्रहरी टिम , लेटाङ फुटवल क्लब मोरङ ,बेतना युनाइटेड क्लब मोरङ , पानवारी फुटवल क्लब सुनसरी , चित्लाङ फुटवल क्लब काठमाडौ , च्क्ष्ँऋ काठमाडौं , तालतलैया फुटवल क्लब सुनसरी , ब्रदर कलेक्सन केरावारीले सहभागी जनाएका छन ।

प्रतियोगितामा बिजेता हुने समुहलाइ नगद दुई लाख २२ हजार, १५ तोला चाँदीको शिल्ड,मेडल र प्रमाणपत्र प्रदान गरिने छ भने उपबिजेता समुहलाइ नगद एक लाख ११ हजार,ट्रफि,मेडल तथा प्रमाणपत्र प्रदान गरिने आयोजक अल्टिट्युड क्लबका अध्यक्ष पिताम्बर तिम्सिनाले बताए । पूर्वमा अनेकौ सम्भावना भएर पनि गुमनाम रहेका पर्यटकिय क्षेत्रहरूको प्रचार प्रचार संगै प्रवर्दन गर्ने उद्येश्य सहित यो प्रतियोगिता गरिएको अध्यक्ष तिम्सिनाले बताए ।

गत वर्ष एक हजार बढी बिरूवा रोपेर इटहरी १९ ब्रहमपुरमा पहिलो संस्करण सम्पन्न गरेको फुटवल प्रतियोगीता यो पटक रामधुनी नगरपालिका ७ पञ्चायन खेल मैदानमा हुने भएको हो । फागुन ९ देखि १७ गते सम्म सञ्चालन हुने यस प्रतियोगिताले त्यस क्षेत्रमा रहेका पर्यटकिय स्थलको प्रचार प्रसार र प्रवर्दनमा ठुलो टेवा पुग्ने अपेक्षा गरिएको छ ।