इटहरीः झापाको दमकमा गएराति भएको सवारी दुर्घटनामा परी एक जनाको मृत्यु भएको छ ।

मृत्यु हुनेमा सुनसरी स्थायी घर भएका ३५ वर्षीय हमिदमियाँ अन्सारी रहेको १ नम्बर प्रदेश ट्राफिक प्रहरी कार्यालय इटहरीले जनाएको छ । कार्यालयका अनुसार गएराति करिब ९ः३० बजे पूर्वपश्चिम राजमार्ग अन्तरगत ताराबारीमा हावा भर्दै गरेको ना।३ ख ६९७१ नम्बरको ट्रकमा अन्सारीले चलाएको मोटरसाइकल ठोक्किएपछि उनको घटनास्थलमै मृत्यु भएको हो ।

ट्रकमा मोटरसाइकल ठोकिना साथ आगलागी भएकाको थियो । मोटरसाइकल जलेका कारण नम्बर खुल्न नसकेको प्रहरीको भनाइ छ । मृतकको पूरा ठेगाना समेत खुलेको छैन । ट्रक र चालकलाई नियन्त्रणमा लिएर अनुसन्धान अगाडि बढाइएको प्रहरीले जनाएको छ ।