इटहरी / इटहरीकी चर्चित साहित्यकार राधा नेपाल (राधा रमा) को शनिबार बिहान निधन भएको छ ।ज्वाेराेले ग्रस्त भएकी साहित्यकार राधा रमाकाे स्वास्थ्य अवस्था जटिल बनेपछि  उपचारकाे निमित्त काठमाडाै लगिउकाे थियाे । अस्पताल पुृयाएलगत्तै उनकाे निधन भएकाे परिवारले जनाएकाे छ ।  

झापाको दुर्गापुर माइती भएकी साहित्यकार राधा रमा गजल र मुक्तक विधामा बढी कलम चलाउँथिन् । यसका अतिरिक्त कविता र लघु कथा लेखनमा पनि उनको रुची रहेको थियो । इटहरीको नमस्ते एफएममा उनले लामो समयसम्म साहित्यिक कार्यक्रम सृजना बाटिकासमेत सञ्चालन गरेकी थिइन् ।

नेकपा एमालेनिकट साहित्यकारहरुको संगठन प्रगतिशील लेखक संघमा पनि उनको आबद्ध रहेको थियो । रमाका दुई छोरी, एक छोरा र श्रीमान् छन् । दिल्लीमा रहेकी जेठी छोरी आएपछि काठमााडौँमै साहित्यकार राधा रमाको दाहसँस्कार गरिने पारिवारिक स्रोतले जनाएको छ ।