इटहरी / झापाको काँकडभिट्टादेखि सुनसरीको लौकीसम्म ९६ किलोमिटर लामो चार लेन सडक निर्माण अन्तरगत इटहरीमा आइपुग्दा सहरको शाैन्दर्यकरण सँगै व्यापारिक , भाैगलिक र वातावरणीय क्षेत्रमा अतुलनीय क्षति हुने भएपछि उक्त राजमार्ग प्रति इटहरीका सामाजिक अगुवाहरूले चासो देखाएका छन् ।

सोमबार एसियन हाइवेको डिजाइन परिवर्तनको माग सहित उपमहानगरमा ज्ञापन पत्र बुझाउँदै सामाजिक अगुवाहरूले यस्तो माग गरेका हुन । काँकडभिट्टादेखि लौकीसम्मको सडक खण्ड विस्तारका क्रममा इटहरीमा बाँध बनाएर सडक बिस्तारको डिजाइन परिवर्तन गर्न स्थानीयहरूले माग गरेका हुन । सोमबार इटहरीका मेयर हेम कर्ण पौडेललाई ज्ञापन पत्र बुझाउँदै बाध बनाएर सडक मर्मत गर्नुको सट्टा पिलर उठाएर स्काइ व्रिज निर्माण गर्न उत्तम रहेकोले सोही अनुरूप ज्ञापन पत्र बुझाइएको सामाजिक अगुवाहरूले बताएका छन् ।

बाध बनाएर सडक बिस्तार गर्दा इटहरीको स्वरूप बिग्रनुका साथै व्यापारिक क्षेत्र पनि बिग्रने इटहरीका सामाजिक ब्याक्तिहरूले निष्कर्ष निकालेका छन् । उपमहानगरका मेयर पौडेललाई इटहरीका अग्रज मेदिनी प्रकाश सिटौलाले ज्ञापन पत्र बुझाएका थिए । पत्र बुझ्दै मेयर पौडेलले आयोजनाको डिजाइन अनुसार सडक बिस्तार भए इटहरी नास हुने भयकोले तत्काल डिजाइन परिवर्तन गर्न एडिबी सँगै अनुरोध गरिरहेको बताए । यसले इटहरीलाई नराम्रो असर गर्छ भनेर २ पटक सम्म डिपिअार र डिजाइन परिवर्तन गर्न माग सहित एडिबीलाई पत्र पठाइसकेको मेयर पौडेलले बताए ।