इटहरी । नेपाल सरकारले बिक्रिबितरणमा प्रतिबन्ध लगाएको अवैध ग्यासको सिलिण्डरहरू इटहरी लगायत प्रदेश एकको बजारहरूमा पुनःदेखिन थालेका छन । केहि वर्ष अघि प्रभावकारी अनुगमन सहित नियमनकारी निकायहरूले प्रदेश एकको शहरहरूमा प्रतिवन्धित साना आकारका ग्यास सिलिण्डरहरू बिक्रि बितरणमा रोक लगाउदै आएका थीए ।

मुलुक कोरोनाबाट ग्रस्त भई संक्रमणको प्रभाव कम हुदै जादा बजारमा स्थानिय सेवाग्राहिहरूको चहलपहल बढेसंगै प्रतिवन्धित साना सिलिण्डरहरूको बिक्रि बितरण हुने गरेको पाइएको हो । ग्यास कम्पनिहरूले साना आकारका सिलिण्डर उत्पादन बन्द गरेपनि नेपाल संग सिमा जोडिएका भारतीय बजारहरूबाट अवैध रूपमा सिलिण्डर ल्याएर ब्यपारीहरूले खुलेआम बिक्रि बितरण गर्दै आएका छन ।

सुनसरीको धरान , इटहरी, तरहरा , दुहबी , इनरूवा लगायतका बजारहरूमा अहिले प्रतिवन्धित साना आकारका ग्यास सिलिण्डरहरू बिक्रि बितरण हुन थालेका छन । हेर्दा सानो चिटिक्क देखिने र कम लागतमा खरिद गर्न सकिने हुदा धेरैजसोले यहि सिलिण्डर रोज्ने गरेका छन ।

इटहरीको हटीयालाइन अवस्थित अधिकांस भाडा पशलेहरूले अवैध रूपमा साना शिलिण्डरहरू बिक्रि गर्दै आएका छन । अवैध हो भन्ने जान्दा जान्दै पनि ब्यवसायिहरूले यस्ता सिलिण्डर खुलेआम बिक्री गर्दै आएका हुन । खाना पकाउन छिटो र बोकेर हिडन सजिलो भएकै कारण र थोरैे पैसामा पनि महिना दिन टिक्ने भएकोले यस्तो सिलिण्डरको माग बढेको इटहरी हटियालाइनका भाडा व्यवसायी सुवास श्रेष्ठले बताए ।

नेपाली मुलका भन्दा पनि मधेसी समुदायकालागि यस्ता सिलिण्डरहरू रोजाइमा पर्ने गरेको उनको भनाइ छ । यस्ता सिलिण्डरहरु नेपाली ग्यास कम्पनीहरुले उत्पादन बन्द गरिसकेको अवस्थामा कहाँबाट आउछ भन्ने प्रश्नमा उनि भारतीय बजारबाट सस्तो दाममा खरिद गरि ल्याउने गरेको बताउछन । उनले बिराटनगर हुदै जोग्वनीको बजारबाट यस्ता सिलिण्डरहरु खरिद गरि ल्याउने गरेको पनि सुनाए ।

यता यस बिषयमा इटहरी उपमहानगर अन्तरगत उपमेयर लक्ष्मी गौतम संग बुझ्दा बजार अनुगमन गर्दा देखिएका र भेटिएका प्रतिवन्धित सिलिण्डरहरू जफत गर्ने गरेको बताउनुभयो । तत्काल अनुगमन गर्न नसकिएको हुदा अबको केहि समयपछि प्र्रभावकारी अनुगमन गर्ने र पुन त्यस्ता प्रतिवन्धित सिलिण्डर बिक्री गरेको देखिए वा भेटिए तुरून्त एक्सन लिने उपमेयर गौतमले बताउनुभयो ।