इटहरीः सुनसरी मोरङका छुट्टा–छुट्टै दुई स्थानबाट लागूऔषधसहित तीनजनालाई प्रहरीले पक्राउ गरेको छ ।

विराटनगर १५ मा चेकजाँचको क्रममा लागूऔषध नियन्त्रण ब्यूरो विराटनगरबाट खटिएको प्रहरी टोलीले भारतको जोगवनीबाट नेपाल आउँदै गर्दा पक्राउ गरेको हो ।

पक्राउ पर्नेमा मोरङ बेलबारी नगरपालिका ३ का ३८ वर्षीय सतिष कुमार सुवेदीको साथबाट लुपिजेसिक ७ एम्पुल, एभिल ७ एम्पुल, डाईजेल्याब ७ एम्पुल र फेनरगन ७ एम्पुल सहित बरामद गरेको हो ।

यस्तै, सुनसरीको बराहक्षेत्र ४ मा अस्थायी प्रहरी चौकी नडाहाबाट खटिएको प्रहरी टोलीले चेकजाँचको क्रममा को ३६ प ७६०३ नम्बरको मोटरसाइकलमा सवार रहेका भारत बिहारका ४० वर्षीय जमिर मन्सुरी र देवानगंज ४ सुनसरीका ४० वर्षीय भुवनेश्वर मेहतालाई पक्राउ गरिएको छ ।

उनीहरूको साथबाट लुपिजेसिक ४० एम्पुल, डाइजेपाम ४० एम्पुल, फेनारगन ४० एम्पुल, एभिल ४० एम्पुल, ट्रामाडोल ११०० क्यापसुल बरामद गरेको हो ।

लागूऔषधसहित पक्राउ परेका तीनै जनामाथि थप अनुसन्धान भइरहेको प्रदेश १ प्रहरी कार्यालय विराटनगरले जनाएको छ ।