इटहरीः सुनसरीको इनरुवा नगरपालिकाका मेयर राजन मेहेताले वडा सदस्यमा उम्मेदवारी दिएका छन् ।

उनले नगरको २ नम्बर वडाको वडा सदस्यमा उम्मेदवारी दिएका हुन् । मेहता २०७४ सालको स्थानीय तह निर्वाचनमा नेपाली कांग्रेसबाट मेयरमा विजयी भएका थिए । हाल वडा सदस्यका रुपमा उनको उम्मेदवारी परेको २ नम्बर वडामा सो पार्टीबाट रञ्जेश भट्टराई वडाध्यक्षको उम्मेदवार बनेका छन् । मेयरको टिकट पाउने आशमा रहेका मेहताले सो टिकट नपाएपछि जिल्ला समन्वय समितिको प्रमुख बन्ने महत्वाकांक्षाका साथ वडा सदस्य पदमा उम्मेदवारी दर्ता गराएको हुनसक्ने पार्टीनिकट स्रोतको आँकलन छ ।

उम्मेदवार मेहता भने यो आँकलनलाई स्वीकार्न तयार भएनन् । यद्धपि उनले निर्वाचनमा विजयी भएपछि जिल्ला समन्वय समितिबारे सोच्न सकिने भन्दै घुमाउरो पारामा अनुमान झुठो नभएको छनक दिए ।