इटहरीः धनकुटाको धनकुटा नगरपालिका–९ मुलघाट स्थित तमोर नदीमा एक महिला मृत अवस्थामा फेला परेकी छन् ।

मृत फेला परेकी महिला धनकुटा नगरपालिका–९ स्थित विश्रान्ति वृद्धा आश्रममा बस्दै आएकी ५६ वर्षीया देवी लामिछाने रहेको १ नम्बर प्रदेश प्रहरी कार्यालय विराटनगरले जनाएको छ ।

लामिछाने फाल्गुन २९ गते दिउँसो वृद्धाश्रमदेखि हराई बेपत्ता भएकीमा प्रहरी चौकी मुलघाटबाट खटिएको प्रहरी टोलीले खोजतलास गर्ने क्रममा आज बिहान ९ः१५ बजे नदी किनारमा मृत अवस्थामा फेला पारेको हो ।

मृतकको शव पोष्टमार्टमको लागि जिल्ला अस्पताल धनकुटा पठाइएको र जिल्ला प्रहरी कार्यालय धनकुटाबाट अन्य थप अनुसन्धान भइरहेको प्रहरीले जनाएको छ ।