इटहरीः झापाको मेचीनगर नगरपालिका –१२ कालिझोडाबाट प्रतिबन्धित लागुऔषध ब्राउनसुगरसहित १ जनालाई प्रहरीले पक्राउ गरेको छ ।

पक्राउ पर्नेमा मोरङको गोविन्दपुर घर भई मेचीनगर नगरपालिका–१२ मा बस्दै आएका १८ वर्षीय अवीनारायण लिम्बू रहेको १ नम्बर प्रदेश प्रहरी कार्यालय विराटनगरले जनाएको छ । अभियुक्त लिम्बूलाई इलाका प्रहरी कार्यालय बुधबारेबाट खटिएको प्रहरी टोलीले हिजो साँझ घरदेखि नै पक्राउ गरेको हो ।

लिम्बूको साथबाट प्रहरीले २१.३८ ग्राम लागुऔषध ब्राउनसुगर र १ थान डिजिटल तराजुसमेत बरामद गरेको छ । लागूऔषधसहित पक्राउ परेका लिम्बूको सम्बन्धमा थप अनुसन्धान भइरहेको इलाका प्रहरी कार्यालय धुलाबारीले जनाएको छ ।