इटहरीः इटहरी ४ नम्बर वडाअन्तर्गत मनोकामना टोलमा योगेन्द्र भट्टराईको अध्यक्षतामा नेपाल कम्युनिस्ट पार्टी (एमाले) को २१ सदस्यीय टोल कमिटी गठन भएको छ ।

कमिटीले ४४ जना ज्येष्ठ नागरिकलाई सम्मान तथा ९६ जनाको स्वास्थ्य परीक्षणसमेत गरेको छ । सोही कार्यक्रमका अवसरमा रोहिणी भट्टराईको अध्यक्षतामा ७ सदस्यीय ज्येष्ठ कम्युनिस्ट मञ्चसमेत गठन गरिएको नेकपा एमाले इटहरी ४ नम्बर वडा कमिटि अध्यक्ष सुनिल कार्कीले जानकारी दिए । उनका अनुसार पार्टीको ४ नम्बर वडामा रहेका सबै टोल कमिटीमा सम्मान र स्वास्थ्य शिविर कार्यक्रम चलिरहेको छ ।

पार्टीले फागुन २१ गते हलगडा टोलमा केपी फुयाँलको अध्यक्षतामा कमिटि गठन गरेको थियो । त्यहाँ ज्येष्ठ नागरिकलाईं खिर खुवाएर ९५ जनाको स्वास्थ्य परीक्षणसमेत गरिएको कार्कीले उल्लेख गरे । भोलि अर्थात् फागुन २८ गते आइतबारेमा नारायण थापाको अध्यक्षताामा २१ सदस्यीय टोल कमिटी गठन गरी ज्येष्ठ नागरिकको सम्मान तथा स्वास्थ्य परीक्षणसमेत गर्ने कार्यक्रम रहेको कार्कीको भनाइ छ । स्थानीय तहको निर्वाचन नजिकिँदै जाँदा एमालेले जनस्तरमा उपस्थिति देखाउन टोल कमिटी गठनलाई तिव्रता दिएको हो ।