इटहरीः प्रदेश १ सरकारले आज मन्त्रिपरिषद् विस्तार गर्ने भएको छ ।

सत्ता गठबन्धन टिकाउनका लागि भागबन्डा पुर्याउने उद्देश्यले सात ओटा मन्त्रालयलाई फुटाएर १२ ओटा कायम गरेकोमा त्यसले पनि नपुगेपछि मन्त्रालयको संख्या १३ बनाएको सरकारले नेकपा एकीकृत समाजवादी र कांग्रेसका तीन तीन र नेकपा माओवादी केन्द्रका दुई जनालाई मन्त्री बनाउन लागेको हो ।

नवनियुक्त मन्त्रीहरुलाई आज सपथ दिलाउने प्रदेश सरकारको तयारी छ । माओवादी केन्द्रबाट रामकुमार राई, झलकिसंह दर्लामी मन्त्री बन्नेछन् । नेकपा एकीकृत समाजबादीबाट राजन राई, खिनु लिम्बु , उपेन्द्र घिमिरे मन्त्री बन्नेछन् । नेपाली काङ्ग्रेसबाट प्रतापप्रकाश हाङगाम, ओमप्रकाश सराबगी, शेखरचन्द्र थापा मन्त्री बन्नेछन् । आन्तरिक मामिला तथा कानुन मन्त्रालय विभाजन गरी नयाँ गठन गरिएको सञ्चार मन्त्रालयको जिम्मेवारी उपेन्द्र घिमिरको भागमा परेको स्रोतले बताएको छ ।