पार्किङमा राखेको मोटरसाइकल चोरी गरेको आरोपमा इटहरीबाट तीन जना पक्राउ
- माघ २१, २०७८ मा प्रकाशित
इटहरीः इटहरीमा पार्किङ गरेर राखेको मोटरसाइकल चोरी भएको छ ।
इलाका प्रहरी कार्यालय इटहरीका अनुसार अघिल्लो शुक्रबार मोरङको रंगेली बस्ने पंकज झा को प्र–१–०२–०४४ प ८१०१ नम्बरको २२० पल्सर मोटरसाइकल इटहरी ६ स्थित गोरखा डिपार्टमेन्ट स्टोर अगाडिबाट चोरी भएको थियो ।
पार्किङ गरेर राखेको स्थानबाटै मोटरसाइकल चोरी भएको उजुरीका आधारमा प्रहरीले तीन जनालाई पक्राउ गरेको छ ।
पक्राउ पर्नेमा मोरङ कानेपोखरी गाउँपालिका ५ बस्ने २१ वर्षीय सुशान्त चौधरी, सोही सथन बस्ने बुद्विमान श्रेष्ठ र इटहरी ८ बस्ने २७ वर्षीय मनिष चौधरी रहेको कार्यालयका प्रमुख प्रहरी नायबउपरीक्षक (डीएसपी) खगेन्द्र खड्काले जानकारी दिए ।
उनीहरूलाई इलाका प्रहरी कार्यालय रंगेली मोरङको डानिया चौकमा माघ १९ गते बुधबार मोटरसाइकलसहित पक्राउ गरिएको हो ।
पक्राउ परेका उनीहरूमाथि सुनसरी जिल्ला अदालतबाट मुलुकी अपराध संहिता २०७४ अन्तर्गत चोरी मुद्दामा सात दिनको म्याद थप गरी आवश्यक अनुसन्धान तथा कारबाही अगाडि बढाइएको प्रहरीले जनाएको छ ।
सम्बन्धित खवर
-
ताजा आश्विन ३, २०८१संविधान दिवसको भाषणमा पनि बालेनविरुद्ध ओली कटाक्ष: ‘…आगो लगाउँछु भन्नेहरूबाट बचाउनुहोला’
-
ताजा आश्विन ३, २०८१वरिष्ठ साहित्यकार गिरिराज शर्माको अन्त्येष्टि
-
ताजा आश्विन ३, २०८१नौं वर्षपछि खुलेको धरहरा चढ्न सर्वसाधारणको भिड
-
ताजा आश्विन ३, २०८१राउटे समुदायका एक युवकको मृत्यु, जनसंख्या १३४ मा झर्यो
-
ताजा आश्विन ३, २०८१सुनको मूल्यमा लगातार गिरावट, आज थप घट्यो , चाँदी पनि सस्तियो
Comments