इटहरीः झापाको मेचीनगर नगरपालिका–६ काँकडभिट्टाको बर्मेली टोलमा रहेको जुत्ता उद्योगमा आगलागी भएको छ ।

श्याम खेतान पिन्टुले सञ्चालन गरेको सो एसएस फुटवेयरमा आगलागी भएको स्थानीयलाई उद्धृत गर्दै १ नम्बर प्रदेश प्रहरी कार्यालय विराटनगरले जनाएको छ । कार्यालयका प्रवक्ता प्रहरी उपरीक्षक (एसपी) नवीनराज राईका अनुसार आगो नियन्त्रणमा लिने प्रयास भइरहेको छ । मेचीनगर नगरपालिकाको दमकल बिग्रेका कारण आगो नियन्त्रणमा लिन समस्या भएको छ । भद्रपुर र बिर्तामोडबाट पनि दमकल परिचालन गरिएको छ । आगलागीको कारण खुल्न सकेको छैन ।