इटहरीः सुनसरीको दुहबी नगरपालिका ६ फुटानी चौकस्थित कोसी राजमार्गमा बसको ठक्करबाट मंगलबार एक स्कुटरचालकको मृत्यु भएको छ ।

मंगलबार दिउँसो करिब ४ः३० बजे उत्तरबाट दक्षिण आउदै गरेको को ३६ प ५०५७ नं. को स्कुटरलाई विपरीत दिशातर्फ जाँदै गरेको को १ ख ४०४३ नं. बसले ठक्कर दिँदा स्कुटर चालक तेह्रथुमको साब्ला तुंफला ४ घर भएका ६७ वर्षीय गोपालबहादुर लेंलेखको मृत्यु भएको १ नम्बर प्रदेश ट्राफिक प्रहरी कार्यालय इटहरीले जनाएको छ । कार्यालयका प्रवक्ता प्रहरी नायबउपरीक्षक (डीएसपी) सुमन तिम्सिनाका अनुसार
दुर्घटनाबाट गम्भीर घाइते भएका लिम्बूलाई उपचारार्थ कोसी अस्पताल विराटनगर पठाएकोमा उपचारको क्रममा सोही दिन साँझ ६ः०० बजे उनको मृत्यु भएको हो ।

मृतकको शव सोही अस्पतालमा पोस्टमार्टम गरी स्कुटर, बस र बस चालक मोरङको सुन्दरहरैँचा नगरपालिका वडा नम्बर ९ बस्ने ४२ वर्षीय पूर्णबहादुर धिमाललाई ईलाका प्रहरी कार्यालय दुहबीले नियन्त्रणमा अनुसन्धान गरिरहेको डीएसपी तिम्सिनाले जानकारी दिए । चालकको लापरबाहीका कारण दुर्घटना भएको प्रहरीको प्रारम्भिक अनुसन्धानले देखाएको छ ।