गायत्रीको ‘हारेँ आफैँसँग’ गीतसङ्ग्रह सार्वजनिक
- आश्विन २४, २०८१ मा प्रकाशित
इटहरी । गीतकार गायत्री लम्सालको तेस्रो गीतसङ्ग्रह ‘हारेँ आफैँसँग’ आज इटहरीमा सार्वजनिक समर्पण गरिएको छ ।सगरमाथा साहित्य प्रतिष्ठान कोसी प्रदेश समितिको आयोजनामा भएको ‘हारेँ आफैँसँग’ परिचर्चा तथा शुभकामना’ कार्यक्रममा गीतकार गायत्री लम्सालको गीतिकृति सार्वजनिक गरिएको हो ।
कार्यक्रममा अग्रज गीतकार विजय श्रेष्ठ, इटहरीका अभिनन्दित नागरिक लेखनाथ घिमिरे, प्राध्यापक बद्रीविशाल पोखरेललगायतले कृतिको आवरण सार्वजनिक गरेका थिए ।
मिश्रा गुरुङको अध्यक्षतामा सम्पन्न सो कार्यक्रममा कवि मनु मन्जिल, प्रतिष्ठानका नेपाल संरक्षक जिपी तिवारी, कवि निरज कोइरालासहित अतिथिहरूले गीतकार लम्सालको व्यक्तित्व र कृतित्वका बारेमा बोलेका थिए । गायिका अञ्जु गौतम र सर्जक लम्सालले गाएर गीत प्रस्तुत गरेका थिए ।
अग्रज गीतकार विजय श्रेष्ठलाई टोपी र दोसल्लाले सम्मान गरिएको सो कार्यक्रममा गीतकार लम्साललाई कदर–पत्र प्रदान गरिएको थियो ।कार्यक्रम विराट टेलभिजन, स्टडी स्वायर र कस्तूरी कलेजसँगको सहकार्यमा भएको थियो । सो अवसरमा बोल्दै अग्रज गीतकार श्रेष्ठले परदेशी साहित्य र व्यवहारले स्वदेसी साहित्य, कला, संस्कृतिमा अतिक्रमण गरेर नेपाली राष्ट्रियता र इतिहास नै खतरामा पारेको दुखेसो गरेका थिए । गीतकार लम्सालका यसअघि पानीको रङ र आकाश हेर्दै दोबाटोमा शीर्षकमा गीतिकृति प्रकाशित छन् ।
सम्बन्धित खवर
-
ताजा कार्तिक २, २०८१दसैँ अवधीभर कोशी प्रदेशमा दुई सय ६९ सवारी दुर्घटना, १४ जनाको मृत्यु , इटहरीमा मात्रै १६ दुर्घटना : बाह्र दिनमा सात हजार पाँच सय ९१ वटा सवारी कारबाहीमा
-
ताजा कार्तिक २, २०८१टी-२० आई क्रिकेट: अमेरिकालाई नेपालले दियो १६५ रनको लक्ष्य
-
ताजा कार्तिक २, २०८१हमासका प्रमुख मारिएपछि इजरायलमा विजयी उल्लास, के अब युद्ध अन्त्य होला ?
-
ताजा कार्तिक २, २०८१राजविराज कारागारमा क्षमताभन्दा चौब्बर कैदीबन्दी, कारागारको जग्गा पनि अतिक्रमण
-
ताजा कार्तिक २, २०८१कोसी सरकारको न्यूनतम साझा कार्यक्रम सार्वजनिक, पारदर्शीता, सुशासन, रोजगारी र विकास परियाेजनालाई विशेष प्राथमिकता
Comments