![](https://suchanaportal.com/wp-content/uploads/2019/05/1140x100.jpg)
ताप्लेजुङमा राहदानी आइलाइन फारम निःशुल्क
- मंसिर १४, २०८० मा प्रकाशित
![](https://suchanaportal.com/wp-content/uploads/2023/11/Cdo-Office-Taplejung.jpg)
ताप्लेजुङ । जिल्ला प्रशासन कार्यालय ताप्लेजुङले राहदानी (इ–पासपोर्ट) को अनलाइन फारम निःशुल्क भरिदिन थालेको छ । प्रशासन कार्यालयले राहदानी बनाउन आउने सेवाग्राहीको अनलाइन फारम निःशुल्क रूपमा भरिदिन थालेको हो ।
प्रशासन कार्यालयबाट नै राहदानी बनाउन आउने सेवाग्राहीको अनलाइन फारम निःशुल्क भरिदिने व्यवस्था मिलाएसँगै बिहीबारदेखि सेवा सुरु गरिएको सहायक प्रमुख जिल्ला अधिकारी टङ्कबहादुर भट्टराईले जानकारी दिनुभयो । हाल निमित्त प्रमुख जिल्ला अधिकारीसमेत रहनुभएका भट्टराईले सेवाग्राहीको सहजताका लागि प्रशासन कार्यालयले राहदानी अनलाइन फारम निःशुल्क रूपमा भरिदिन थालेका बताउनुभयो ।
उहाँका अनुसार प्रशासन कार्यालयले राहदानीको अनलाइन फारम निःशुल्क भरिदिने व्यवस्था गरेसँगै सेवाग्राहीले बिहीबारदेखि नै सेवा प्राप्त गर्न थालेका छन् । जिल्ला प्रशासन कार्यालयबाट प्रवाह हुने सेवालाई थप प्रभावकारी एवम् सेवाग्राहीमैत्री बनाउने उद्देश्यले सेवाग्राही आफैँले भरी पेस गर्नुपर्ने राहदानीको फाराम निःशुल्क भरिदिने व्यवस्था मिलाएको उहाँले जानकारी दिनुभयो ।
जिल्ला प्रशासन कार्यालयबाट सुरु भएको सेवाले प्रशासन र सेवाग्राहीबिचको सम्बन्ध निकट बनाउने अपेक्षा गरिएको छ । कात्तिक अन्तिम साता मात्र ताप्लेजुङ सरुवा भई आउनुभएकी प्रमुख जिल्ला अधिकारी हीरादेवी पौडेलले प्रशासन कार्यालयबाटै राहदानीको फारम निःशुल्क भरिदिने व्यवस्था मिलाउने बताउनुभएको थियो । यसअघि सेवाग्राहीले फोटो पसल तथा साइबर केन्द्रहरूमा शुल्क तिरेर राहदानीको अनलाइन फारम भर्दैआएका थिए ।
![](https://suchanaportal.com/wp-content/uploads/2019/05/1140x100.jpg)
सम्बन्धित खवर
-
ताजा भाद्र २२, २०८१पल शाह भन्छन : काठमाडाैंमा घर बनाउने सपना थीयाे तर एउटै मुद्धाले सबै सपना चकनाचुर बनाइदियाे
-
ताजा भाद्र २२, २०८१इजरायली सेनाको गोलीबाट २६ वर्षीया अमेरिकी-टर्की युवतीको मृत्यु
-
ताजा भाद्र २२, २०८१सुनिता विलियम्सलाई अन्तरिक्षमै छाडेर पृथ्वीमा फर्कियो स्टारलाइनर
-
ताजा भाद्र २२, २०८१राजनीतिक परिवर्तनप्रति कर्मचारीहरुको योगदान प्रशंसायोग्य : प्रधानमन्त्री
-
ताजा भाद्र २२, २०८१चेपाङ समुदायले आज आज छोनाम मनाउँदै, यी तीन जिल्लामा सार्वजनिक बिदा
Comments