मुख्यमन्त्री कार्कीले आज विश्वासको मत लिने
- असार १४, २०८० मा प्रकाशित
मोरङ । कोशी प्रदेशका मुख्यमन्त्री हिम्मतकुमार कार्कीले आज (बिहीबार) बस्ने प्रदेश सभा बैठकमा विश्वासको मत लिने भएका छन् । प्रदेश सभा सचिवालयका अनुसार दिउँसो १ बजे बस्ने बैठकमा मुख्यमन्त्री काकीले विश्वासको मत लिने कार्यसूची रहेको छ ।
प्रदेश सभाको आजको बैठकमा विश्वासको मतका लागि प्रस्ताव पेश गर्ने र आजै निर्णयार्थ प्रस्तुत हुने प्रदेश सभाका सचिव गोपाल प्रसाद पराजुलीले जानकारी दिए । नेकपा (माओवादी केन्द्र) ले प्रदेश सरकारलाई दिएको समर्थन फिर्ता लिए पछि मुख्यमन्त्री कार्कीले विश्वासको मत लिन लागेका हुन् ।
कार्की नेकपा (एमाले) का ४०, माओवादी केन्द्रका १३, राप्रपाका ६ र जसपाका एक प्रदेश सभा सदस्यको समर्थनमा मुख्यमन्त्री बनेका थिए । प्रदेश सभामा कुल ९३ सदस्य रहेकामा विश्वासको मत लागि ४७ मत आवश्यक पर्दछ । जसपाले विश्वासको मत दिएमा कोशी सरकार यथावत रहनेछ । कोशीमा जसपा नेपालको एक मत रहेको छ । जसपा नेपाल नेतृत्वको मधेश प्रदेश सरकारका लागि विश्वासको मत दिएको एमालेले कोशीमा पनि विश्वासको मत पाउने अपेक्षा गरेको छ ।
सम्बन्धित खवर
-
ताजा मंसिर ७, २०८१धरहरा आइतबारदेखि सशुल्क सञ्चालन हुने
-
ताजा मंसिर ७, २०८१झापाबाट ११ करोडको चिया निर्यात
-
ताजा मंसिर ६, २०८१मेडिसिटी अस्पतालको चरम लापरवाही : बिरामीको ज्यान पनि गयो, मृगौला पनि ‘गायब’
-
ताजा मंसिर ६, २०८१उदयपुरको त्रियुगामा मोटरसाइकल दुर्घटना , बाबुको मृत्यु, दुई छोरा घाइते
-
ताजा मंसिर ६, २०८१पर्सामा नगर प्रमुख र प्रमुख प्रशासकीय अधिकृतको झगडाले रोकियो कर्मचारी–जनप्रतिनिधिको तलव–भत्ता
Comments