तनहुँ । तनहुँमा घरमा ट्रक ठोक्किँदा घाइते भएका तीन जनाको मृत्यु भएको छ । बन्दीपुर गाउँपालिका– ५ आधिखोलास्थित पृथ्वी राजमार्ग सडक खण्डमा डुम्रेतर्फबाट मुग्लिनतर्फ जाँदै गरेको ना ४ ख १९७३ नम्बरको ट्रक अनियन्त्रित भई सडकको छेउमा रहेको घरका ठोक्किएको थियो ।

घरमा ट्रक ठोक्किँदा गाडी कुरेर बसेकाहरू घाइते भएका थिए । मृत्यु हुनेमा तनहुँ बन्दीपुर गाउँपालिका–१ बस्ने वर्ष १२ को आयुश भुजेल, वर्ष ५० को चेतबहादुर घर्ती र अन्दाजी ६९ वर्षका सनबहादुर भुजेल रहेका छन् ।

दुर्घटनामा आठ जना घाइते भएको र सबैलाई उपचारको लागि चितवनस्थित पुरानो मेडिकल कलेज भरतपुर पठाएकोमा तीन जनाको उपचारको क्रममा अस्पतालमा मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक मोहनबहादुर खाँणले जानकारी दिएका छन् ।