इटहरी । कोशी प्रदेशको इटहरी उपमहानगरमा पहिलो पटक  पूर्वाञ्चल जागरण उत्सव हुने भएको छ । जीवन बिज्ञान प्रतिस्ठान कोशी प्रदेशको आयोजनामा फागुन २० गते इटहरीमा पहिलो पटक  पूर्वाञ्चल जागरण उत्सव हुने भएको हो । उत्सव ३ दिन सम्म सञ्चालन हुने भएको छ ।

बर्तमान सरकारका सम्माननीय प्रधानमन्त्री पूष्प कमल दाहाल ( प्रचण्ड)ले समुदघाटन गर्ने उक्त उत्सवमा नेपालका बिभिन्न जिल्लाहरू सहित ५५ देशका प्रतिनिधीहरूको पनि ब्यापक उपस्थिती रहने आयोजक जीवन विज्ञान प्रतिष्ठान कोशी प्रदेश संयोजक बालीका भट्टराइले बताउनुभयो ।

कार्यक्रममा बिशिस्ट अतीथी नेपालका राष्ट्रिय कलाकार मदन कृष्ण श्रेष्ठ र हरिवंश आचार्य रहने जनाइएको छ । उक्त उत्सवमा स्थानिय सरकार प्रमुखहरू , प्रदेश सरकार प्रमुख , मुख्यमन्त्री लगायतको उपस्थिती रहने जनाइएको छ ।

कोशी प्रदेशमा रहेका बिभिन्न जातजाती, भाषा,भेष , सांस्कृतिक , धर्म सम्प्रदायकका मौलिक सांस्कृतिकमा आधारित नृत्य तथा झाकिहरू सहित कार्यक्रमलाइ भव्य उदघाटन गरिने आयोजकले पत्रकार सम्मेलनमा जनाएको छ ।

वर्तमान मानव समाजमा अत्याआवस्यक रहेका प्रेमपुर्ण सहकार्य र चौतर्फि बिकाशको मुल्य अभिबृद्धि गर्ने मुख्य उद्येश्य सहित शुरू हुने उत्सवमा ५ हजार भन्दा बढीले सहभागिता जनाउने आयोजक जीवन विज्ञान प्रतिष्ठान कोशी प्रदेशकी संयोजक बालिका भट्टराइले बताउनुभयो । उक्त उत्सवले जीवन विज्ञान प्रतिस्ठान अन्तरगत काेशी प्रदेशकाे नयाँ कार्य समिती चयन गर्ने जनाइएकाे छ ।