इटहरी । इटहरीका व्यवसायीहरूले सोमबार दिउसो आन्तरिक राजस्व कार्यालय ९ कर कार्यालय० घेराउ गरेका छन । छापामार शैलीमा खुद्रा तथा हेलसेल पसलहरूमा अनुगमन गर्दै अनावस्यक दुख दिएको बिरोधमा इटहरीका व्यवसायीहरूले कार्यालय घेराउ गरेका हुन ।

सोमबार दिउसो इटहरीको संगित चौकमा केहि व्यवसायहरूमा कर कार्यालयले अनुगमन गरेको थियो ।अनुगमनको क्रममा सञ्चालक नभएको पशलमा पनि कर्मचारीले छापामार शैली अपनाएको भन्दै ब्यवसायीहरूले कर कार्यालय घेराउ गरेका हुन ।

ब्यवसायीहरूसंग नम्र तरिकाले पेश हुन र नियम बिपरित काम गर्ने पशल तथा सञ्चालकलाइ कानुन अनुसार कार्वाही गर्न सुझाव सहित सोमबार कर कार्यालय इटहरी घेराउ गरिएको उद्योग वाणिज्य संघ इटहरीका सदस्य जिवन पराजुलीले बताए । उनले अनुगमन गर्दा उद्योग वाणिज्य संघका पदाधिकारी , स्थानिय सरकार प्रतिनिधि लगायत सबै निकाय संग समन्वय गरेर मात्र गर्न कार्यालय प्रमुखलाइ सुझाव दिएको बताए ।

यता आन्तरिक राजस्व कार्यालय ९ कर कार्यालय०का प्रमुख कर अधिकृत अर्जुन कुमार न्यौपानेले कर्मचारीहरूले छापामार शैलीमा अनुगमन नगरेको दाबी गरे । ब्यवसायीहरूबाट कर छली हुने गरेको सुचना प्राप्त भएपछि अनुगमन गरिएको बताए । अधिकृत न्यौपानेले अब देखि अनुगमन गर्दा उद्योग वाणिज्य संघका पदाधिकारी , स्थानिय सरकार र प्रसाशन संग समन्वय गरेर मात्रै अघि बढने बताए । साेमबार दिउसाे इटहरीकाे संगित चाैक स्थित जुत्ता पशल र कपडा पशलमा कर्मचारीले छडके अनुगमन गरेका थिए ।