इटहरी । आसन्न मंसिर ४ गते हुने प्रतिनिधिसभा तथा प्रदेशसभा निर्वाचनलाई निश्पक्ष,स्वतन्त्र र भयरहित वातावरणमा सम्पन्न गर्न सञ्चार माध्यमको भुमिका विषयक अन्तरक्रिया सुनसरीमा सम्पन्न भएको छ ।

   नेपाल पत्रकार महासंघ सुनसरीको आयोजनामा निश्पक्ष ,स्वतन्त्र निर्वाचनमा सञ्चार माध्यमको भुमिका विषयक अन्तरक्रिया इटहरीमा सम्पन्न भएको हो ।

    निर्वाचनलाई निश्पक्ष ,स्वतन्त्र र भयरहित वातावरणमा सम्पन्न गर्ने विषय केन्द्रित अन्तरक्रियामा सवैको सहभागितामा निर्वाचनलाई सपलता पुर्वक सम्पन्न गर्नु पर्नेमा सुनसरीका मुख्य  निर्वाचन अधिकृत अर्जुन अधिकारीले जोड दिए ।

 त्यसै गरी निर्वाचनलाई शान्तिपुर्ण रुपमा सम्पन्न गर्न प्रशासनले सवै तयारी पुरा गरेको र त्यसका लागि कुनै कसर बाँकी नराख्ने समेत सुनसरीका प्रमुख जिल्ला अधिकारी इन्द्रदेव यादवले जानकारी दिए ।

अन्तरक्रियामा पत्रकारहरुले निर्वाचन केन्द्रित विभिन्न जिज्ञासाहरु राखेका थिए । कार्यक्रममा नेपाल पत्रकार महासंघ केन्द्रीय सदस्य अमर खड्का , जिल्ला अध्यक्ष जनकऋषि राई लगातका सञ्चारकर्मीहरुको सहभागिता रहेको थियो ।