इटहरी । आगामी मंसिर ४ गते हुने प्रदेश तथा प्रतिनिधी सभा निर्वाचनकालागि सुनसरीको ४ वटै निर्वाचन क्षेत्रमा उल्लासमय ढंगबाट  उम्मेद्वारहरूले उम्मेद्वारी दर्ता गराएका छन ।

राजनीतिक दलबाट टिकट पाएका , पार्टिको निर्णयबाट असन्तुस्ट बनी बागि बनेका र स्वतन्त्रबाट उठेका उम्मेद्वारहरूले सुनसरीको चारै वटा निर्वाचन क्षेत्रहरूमा रहेका निर्वाचन अधिकृितको कार्यालय पुगेर आ आफ्नो उम्मेद्वारी दर्ता गराएका हुन ।

सुनसरीका चारवटै निर्वाचन क्षेत्रहरूबाट २१२ जनाले उल्लासका साथ उम्मेद्वारी दर्ता गराएको जिल्ला निर्वाचन कार्यालय सुनसरीले जनाएको छ । निर्वाचन कार्यालय सुनसरीका अनुसार क्षेत्र नं १ बाट प्रदेश तथा प्रतिनिधिसभाकालागि बिभिन्न दलहरूबाट र स्वतन्त्र गरी ४९ जनाले उम्मेद्वारी दर्ता गराएका छन ।

जसमा प्रतिनिधीसभा तर्फ २० जना प्रदेश सभा सदस्य १ ९क० मा १५ र १ ९ख० तर्फ १४ जना रहेका छन् ।त्यस्तै क्षेत्र नं २ बाट प्रतिनिधि सभा तर्फ  २७ जनाले उम्मेद्वारी दर्ता गराएका छन । त्यस्तै क्षेत्र नं २ ९क० अन्तरगत प्रदेश सभा सदस्यमा २० र २ ९ख०मा १० जनाले उम्मेद्वारी दर्ता गराएका छन । 

सुनसरी क्षेत्र नं ३ मा पनि प्रतिनिधि सभा तर्फ  २३ जनाले उम्मेद्वारी दिएका छन भने प्रदेश सभा ३९क० तर्फ १३ र ३ ९ख० मा १८ जनाले उम्मेद्वारी दर्ता गराएका छन । यता सुनसरी क्षेत्र नं ४ मा प्रतिनिधि सभा तर्फ २५ जनाले उम्मेद्वारी दर्ता गराएका छन भने प्रदेश सभा सदस्य तर्फ ४ ९क० मा १४ र ४ ९ख० मा १३ जनाले दर्ता गराएको जिलला निर्वाचनको कार्यालय सुनसरीले जनाएको छ ।

 दर्ता भएका उम्मेद्वार बिरूद्ध२४ गतेसम्म  उजुरी गर्ने पाइने छ । २५ गते उम्मेदवारको नामावली प्रकाशन गर्ने २६ गते उम्मेदवारले आफ्नो नाम फिर्ता लिन, र उम्मेदवारलाई चुनाव चिन्ह प्रदान गरिने निर्वाचन आयोगको कार्यतालिका छ।