इटहरी । सरकारले आगामी मंसिर ४ गते निर्वाचनको मिति घोषणा गरेसंगै नेपाली कांग्रेस सुनसरीले पनि क्षेत्र नं २ क बाट प्रदेश सभाकालागि प्रत्यक्ष तर्फ तिन जनाकाे नाम सिफारिस गरेकाे छ ।

प्रदेशसभाकालागि प्रत्यक्ष तर्फ इटहरीका ब्यवसायी एवम उद्याेग वाणिज्य संघ इटहरीका अध्यक्ष तथा महाधिवेशन प्रतिनिधी भीम पाैडेल , महाधिवेशन प्रतिनिधी तथा  नेविसंघका पूर्व केन्द्रीय उपाध्यक्ष विकाश केशी , र  बद्रीनारायण चौधरीकाे नाम सिफारिस गरिएकाे हाे । चाैधरी  ०७० को संविधानसभा सदस्यमा सुनसरी क्षेत्र नं। २ बाट निर्वाचनमा सहभागी भएपनि पराजित बनेका थिए  हाल महाधिवेशन प्रतिनिधि पनि रहेका छन ।

नेपाली कांग्रेस सुनसरीको बुधबार बसेको बैठकले प्रत्यक्ष तर्फ ३ जना र समानुपातिक तर्फ केहि नामहरू सिफारिस गरेकाे हाे । प्रदेशसभा अन्तरगत समानुपातिक तर्फ गीता श्रेष्ठ, सुबेक्छु देवान राई, नगेशचन्द्र राई, सूर्य राई, दामोदर दाहाल, केशवप्रसाद भट्टराई, विमला शिवाकोटी ढकाल, बबिता चौधरी, रामप्रसाद विक र रमेश पोखरेलको नाम सिफारिस गरिएकाे छ । 

त्यस्तै बैठकले प्रतिनिधिसभा प्रत्यक्ष तर्फ तिन जनाकाे नाम सिफारिस गरेकाे छ । जसमा राजीव ढुंगाना, राजीव कोइराला र सीताराम मेहता रहेका छन् ।  ढुंगाना नेपाली कांग्रेसका केन्द्रीय सदस्य तथा नेविसंघका निवर्तमान सभापति हुन् ।  यस्तै, कोइराला केन्द्रीय सदस्य तथा प्रदेश १ का संसदीय दलका नेता छन् भने मेहता प्रतिनिधिसभाका वर्तमान सांसद तथा पूर्व राज्यमन्त्री हुन् ।  समानुपातिकतर्फ भने दिलकुमारी राई र वीरेन्द्र कार्कीको नाम सिफारिस भएको छ ।