झापा । शुक्रबार राति श्रीमतीको हत्या गरेर फरार भएका  झापा गाउँपालिका ६ चन्द्रबस्ती का ४६ वर्षीय नाइके हस्दा (सन्थाल) लाई प्रहरीले पक्राउ गरेको छ।नाइकेलाई शनिबार बिहान ९ बजेतिर कचनकवल गाउँपालिका १ को नेपाल भारत सीमाबाट पक्राउ गरेको झापा प्रहरीले जनाएको छ।

जिल्ला प्रहरी कार्यालय झापाका प्रवक्ताले वसन्त पाठक नाइके पक्राउ परेको पुष्टि गरे।मादकपदार्थ सेवन गरेर घर आएका नाइकेले शुक्रबार राति १० बजेतिर ४० वर्षीया श्रीमती तालामाई हस्दाको कोखामा छुरा प्रहार गरेर हत्या गरेका थिए ।

छुरा प्रहारबाट श्रीमतीको घटनास्थलमै मृत्यु भएपछि उनी राति नै फरार भएका थिए । घटनाको थप अनुसन्धान भइरहेको झापा प्रहरीले जनाएको छ।